Банкі на Кіпры закрыты 6-ы дзень, краіна пераходзіць на гатоўку
Кіпру пагражае банкруцтва, улады краіны працягваюць шукаць выйсце. Тым часам банкі застаюцца замкнёнымі
У такіх умовах большасць крамаў і нават заправак перасталі прымаць плацяжы карткамі, прымаюць толькі наяўныя грошы.
У краіне дзейнічае абмежаванне на здым сродкаў з банкаўскіх картак — да 500 еўра за дзень. Людзі масава здымаюць хаця б гэта.
Урад Кіпра адхіліў прапанову Брусэля аб секвестры 6–10% ад усіх банкаўскіх дэпазітаў, аднак не здолеў прапанаваць ніякага альтэрнатыўнага выйсця. Калі да панядзелка Нікасія не знойдзе 7 млрд еўра — умова, пры якой Еўрапейскі цэнтрабанк пазычыць яшчэ 10 млрд — два найбольшыя кіпрскія банкі ляснуць.