Беларусь і Турцыя падпісалі пагадненні аб бязвізавых паездках грамадзян
Беларусь і Турцыя падпісалі 29 сакавіка ў Мінску пагадненні аб бязвізавых паездках грамадзян і аб рэадмісіі.
Як заявіў пасля цырымоніі міністр замежных спраў Беларусі Уладзімір Макей, гэтыя пагадненні з’яўляюцца важнымі дакументамі, распрацоўка і падпісанне якіх былі ініцыяваныя па выніках візіту Аляксандра Лукашэнкі ў Турцыю ў 2010 годзе.
«Нашы грамадзяне адчуюць іх дзеянне на сабе. Цяпер без візы беларусы ў Турцыі і грамадзяне Турцыі ў Беларусі змогуць знаходзіцца на працягу 30 дзён аднамомантна або 90 дзён на працягу года», — сказаў Макей.
Ён выказаў упэўненасць у тым, што дзякуючы гэтым пагадненням павялічыцца колькасць турыстаў з абодвух бакоў.