«Аляксандра і Канстанцін» у «Жывым Тузіне» 1 мая
Дуэт «Аляксандра і Канстанцін» пры ўдзеле запрошаных музыкаў прадставіць ужывую свой новы альбом «M1» у межах праекту «Жывы Тузін». Выступ 1 мая ў Loft cafe будзе іх першым клубным канцэртам за мінулыя 5 гадоў.
Першыя прадстаўнікі Беларусі на «Еўрабачанні» рэдка выступаюць з сольнымі канцэртамі. Аляксандра Кірсанава і Канстанцін Драпеза тлумачаць, што вялікі канцэрт для іх вельмі адказная справа, якая вымагае шмат сілаў для падрыхтоўкі.
1 мая ў Loft cafe дуэт выступіць у пашыраным складзе. Да яго далучацца бубнач Аляксандр Старажук, які граў у гуртах «Палац» і «Ляпіс Трубяцкі», басіст Вячаслаў Сяргеенка (
Госцем вечару будзе каманда «БарЖоМі», якая грае меладычную інструментальную музыку, насычаную дыялогамі скрыпкі і гітары. У назве праекту зашыфраваны тры гарады, з якіх паходзяць удзельнікі — Барысаў, Жодзіна і Менск.
Весці канцэрт «Жывы Тузін» будзе Алег Хаменка.
***
1 мая (серада). 19:00. Loft cafе (Мінск, П. Броўкі, 22).
Кошт: 80 000 руб. Квіток на дзве асобы — танней!
Квіткі можна набыць у касах kvitki.by і непасрэдна ў клубе перад канцэртам.