У Гродне злодзей пераапрануўся святаром і скраў з касцёла грошы
Пра злачынства, учыненае ў касцёле Найсвяцейшага Збаўцы, стала вядома 1 красавіка.
Паводле слоў начальніка аддзела крымінальнага вышуку Ленінскага РАУС Гродна Віталя Асоцкага, мужчына пад выглядам святара прайшоў на тэрыторыю касцёла, заявіў ахове, што хоча правесці службу. Манашка адвяла яго ў будынак, каб пераапрануцца. На другім паверсе касцёла злачынца скраў са стала 6 тыс. даляраў ЗША, 1.200 польскіх злотых і 8 млн. рублёў і сышоў.
Затрымалі падазраванага на чыгуначным вакзале ў Мінску. Разам з сужыцелькай ён ехаў у Маскву.
Як высветлілася, раней мужчына дзевяць разоў прыцягваўся да крымінальнай адказнасці, у тым ліку за крадзяжы з культавых устаноў.