У Брэсце перакулілася маршрутка, у яе адваліўся дах — фота
Маршрутны мікрааўтобус № 19 перакуліўся сёння, 15 красавіка, у Брэсце. Аварыя адбылася каля 8 гадзіны раніцы на скрыжаванні вуліцы Чырвонагвардзейскай і Камянецкай шашы.
Маршрутка сутыкнулася з «Хондай» і завалілася на левы бок. Пры гэтым у «Газэлі» адваліўся пластыкавы дах. Людзі выбіраліся праз заднія дзверы.
Паводле папярэдняй інфармацыі, ёсць пацярпелыя. Па словах відавочцаў, на месца выязджалі дзве брыгады «хуткай».