У Наваполацку хлопчык катаўся на крызе і зваліўся ў ваду
А 17-й гадзіне 17 красавіка ў наваполацкае аддзяленне МНС паступіла паведамленне пра хлопчыка, які знаходзіўся на падтопленым дрэве на Дзвіне.
Як высветлілася, хлопчык, 1999 нараджэння, катаўся на крызе і зваліўся ў ваду. Пасля чаго ён ускараскаўся на дрэва.
Самастойна выбрацца з ракі на бераг дзіця не магло.Супрацоўнікі МНС на чоўнах падплылі да хлопчыка, знялі яго з дрэва, даставілі на бераг і перадалі брыгадзе хуткай медыцынскай дапамогі.
З дыягназам агульнае пераахаладжэнне арганізму дзіця дастаўлена ў Наваполацкую ЦРБ №1.