Віцэ‑маршалка польскага сэнату зноў не пусьцілі ў Беларусь
Падарожжа Кшыштафа Путры скончылася на памежным пераходзе «Кузніца — Брузгі».
Ён ехаў у горад над Нёманам з мэтай ускласці кветкі да помніка польскім жаўнерам, што загінулі ў вайне 1920 года, а таксама сустрэцца з прадстаўнікамі польскай меншасці на Гродзеншчыне. Беларускія памежныя службы не патлумачылі прычыну забароны на ўезд польскага палітыка ў Беларусь. Паводле віцэ‑маршалка, беларускія памежнікі сказалі катэгарычна «не — і кропка».
Гэта ўжо другі выпадак, калі Кшыштафа Путру не пусцілі ў Беларусь.