Пасол Чэхіі ў ЗША просіць не блытаць Чэхію з Чачнёй
Чэшскае пасольства ў ЗША заклікала не блытаць Чачню з Чэхіяй пасля з'яўлення інфармацыі аб чэчэнскім паходжанні падазраваных у выбухах у Бостане.
У суботу амбасадар Чэхіі ў ЗША Пётр Гандалавіч заявіў, што сутыкнуўся з такога роду непаразуменнямі ў сацыяльных сетках, карыстальнікі якіх распаўсюджвалі інфармацыю аб меркаваных злачынцах.
Гандалавіч адзначыў у гэтай сувязі, што Чэхія - гэта краіна ў Цэнтральнай Еўропе, у той час як Чачня з'яўляецца часткай Расійскай Федэрацыі.
У сваю чаргу чэшскія інтэрнэт-карыстальнікі параілі амерыканцам падвучыць геаграфію.