HSBC: Рост вытворчасці ў Кітаі працягвае запавольвацца
Рост прамысловай вытворчасці ў Кітаі ў красавіку запаволіўся, што выклікае сур'ёзныя засцярогі з нагоды аднаўлення эканомікі краіны, паведамляе банк HSBC.
Прычынай зніжэння хуткасці росту прамысловай вытворчасці аналітыкі банка патлумачылі падзеннем экспартных заказаў, што, у сваю чаргу, звязана з паслабленнем попыту на сусветным рынку.
Летась рост эканомікі Кітая быў самым слабым за апошнія 13 гадоў.
Фондавыя біржы адрэагавалі на статыстыку HSBC падзеннем. Зніжэнне катыровак на Шанхайскай фондавай біржы ў аўторак склала 1,4%.