Супраць інжынера «Экамедсэрвіса» пачата крымінальная справа
Пра гэта паведаміў афіцыйны прадстаўнік УСК па Мінску Аляксандр Герасімаў.
«Адносна інжынера пачата крымінальная справа па прыкметах злачынства «службовая халатнасць». Яшчэ ёсць час, каб вызначыцца з яго далейшым статусам: прад'яўленні ці не прад’яўленні абвінавачання. Ён пакуль знаходзіцца ў ізалятары часовага ўтрымання», — сказаў Герасімаў.
Раней па гэтым жа артыкуле была пачата крымінальная справа супраць дырэктара «Экамедсэрвіса» Галіны Валжанкінай, якая пакуль застаецца падазраванай.