У ЗША пахавалі Тамерлана Царнаева
Падазраваны ў падрыхтоўцы і здзяйсненні выбухаў у Бостане і забіты ў перастрэлцы з паліцыяй Тамерлан Царнаеў пахаваны ў ноч на чацвер, паведаміла амерыканская паліцыя.
Месца пахавання Царнаева не паведамляецца.
Раней улады некалькіх населеных пунктаў адмовіліся хаваць Царнаева на сваіх могілках.
У штаце Масачусэтс прайшлі акцыі пратэсту, удзельнікі якіх заклікалі ўлады ўвогуле не хаваць Царнаева на тэрыторыі ЗША.