Звольнены дырэктар музея гісторыі Вялікай Айчыннай вайны
Дырэктар Беларускага дзяржаўнага музея гісторыі Вялікай Айчыннай вайны Сяргей Азаронак звольнены напярэдадні Дня Перамогі, паведамляе партал tut.by са спасылкай на работнікаў музея.
«Ён сабраў нас днём 8 мая і сказаў, што пакідае сваю пасаду. Сяргей Іванавіч падзякаваў за працу і папрасіў працягваць пачатую справу», — паведаміў супрацоўнік музея. Пры гэтым, адзначыў ён, «некаторыя супрацоўнікі заявілі, што пакінуць музей следам за дырэктарам». Паводле слоў суразмоўцы, адна з прычын звальнення — зацягванне тэрмінаў здачы новага будынка музея на праспекце Пераможцаў і вызвалення памяшканняў музея на Кастрычніцкай плошчы.
«Пры гэтым віна дырэктара ў гэтым пытанні мінімальная — будаўнікі зацягнулі здачу новага будынка музея, а пераезд экспазіцыі на новае месца захоўвання быў праблематычны паводле тэхнічных характарыстык», — сказаў ён. Нагадаем, выступаючы 19 красавіка ў парламенце са штогадовым пасланнем, Аляксандр Лукашэнка даручыў Міністэрству культуры і Мінгарвыканкаму адкрыць да 70-й гадавіны вызвалення Беларусі ад нямецка-фашысцкіх захопнікаў у 2014 годзе музей гісторыі Вялікай Айчыннай вайны «з маштабнай экспазіцыяй, якая павінна быць найлепшай у свеце».
Чытайце таксама:
Каментары да артыкула