ЕС зняў эмбарга на пастаўкі зброі сірыйскай апазіцыі
Еўрасаюз бярэ курс на ўскоснае ўмяшальніцтва ў Сірыі.
Пра зняццё эмбарга паведаміў міністр замежных спраў Вялікабрытаніі Уільям Хейг. Аднак рэальна пастаўкі зброі пачнуцца не раней за 1 жніўня, у выпадку калі дыпламаты ЕС пацвердзяць такое рашэнне.
Акрамя пастаўкі зброі, астатнія эканамічныя і фінансавыя санкцыі застаюцца ў дзеянні. Іх працягнулі яшчэ на год.
Францыя і Вялікабрытанія актыўна настойвалі на поўнай адмене эмбарга і пастаўках узбраенняў апазіцыі, якая ваюе з рэжымам Башара Асада. Большасць іншых краін, якія ўваходзяць у ЕС, выступалі супраць адмены. Праціўнікі адмены эмбарга асцерагаюцца, што зброя можа апынуцца ў руках радыкальных ісламістаў, паведамляе Бі-Бі-Сі.