Патрыярх Кірыл наведае Беларусь 29—30 ліпеня, у Мінску будзе вялікая служба

3.06.2013 / 14:02

Патрыярх Маскоўскі і ўсёй Русі Кірыл прыедзе ў Мінск 29 ліпеня для ўдзелу ва ўрачыстасцях у гонар 1025-годдзя Хрышчэння Русі,

паведаміў сёння журналістам намеснік прэм’ер-міністра Беларусі Анатоль Тозік.

«У Мінску 29 ліпеня пройдзе літургія з удзелам Патрыярха Кірыла і кіраўнікоў памесных праваслаўных цэркваў»,

— сказаў віцэ-прэм’ер. Чакаецца, што ва ўрачыстасцях у Мінску возьмуць удзел каля 10 тыс. чалавек.

Вікарый Мінскай епархіі епіскап Барысаўскі Веніямін удакладніў, што Патрыярх Кірыл прабудзе ў Мінску да 30 ліпеня ўключна.