Беларусь прадасць Расіі пакет акцый абароннага прадпрыемства
Беларускае адкрытае акцыянернае таварыства «СКБ Камертон» прадасць расійскаму інвестару 25% сваіх акцый.
Гэта робіцца для забяспечання запуску сістэмы экстранага рэагавання пры аварыях «ЭРА-РБ», пішуць расійскія СМІ.
Праект стварэння сістэмы «ЭРА-РБ» у Беларусі можа быць фінансава падтрыманы расійскім бокам. Таму для інвестыцыйнага кантролю ўнёскаў Расіі плануецца ажыццявіць продаж блакавальнага пакета акцый «СКБ Камертон» (25% плюс адна акцыя).
У той жа час, як паведамляе сайт Дзяржаўнага вайскова-прамысловага камітэта Беларусі, «СКБ Камертон» — прадпрыемства абароннага сектара эканомікі Беларусі. Яно займаецца прыкладнымі даследаваннямі ў галіне навігацыі, распрацоўкай сістэм і сродкаў навігацыі вайсковага і грамадзянскага прызначэння, а таксама вырабляе навігацыйнае абсталяванне спецыяльнага прызначэння.
Чытайце таксама:
Каментары да артыкула