Беларускаму навукоўцу прысудзілі прэмію імя Сакрата
Еўрапейская асамблея бізнесу прысудзіла прэмію імя Сакрата дырэктару Інстытута фізіка‑арганічнай хіміі Нацыянальнай акадэміі навук Беларусі Аляксандру Більдзюкевічу.
Навуковец — прызнаны спецыяліст у галіне тэхналогій атрымання ультра‑ і мікрафільтрацыйных мембранаў. Гэтыя элементы і ўстаноўкі на іх аснове ўжо ўкаранёны на больш чым 50‑ці прадпрыемствах Беларусі і краін СНД.
Навукоўцам інстытута пад кіраўніцтвам Аляксандра Більдзюкевіча ўдалося стварыць новае пакаленне мембранных матэрыялаў, якія дазваляюць рэвалюцыйна змяніць традыцыйныя тэхналогіі падрыхтоўкі вады для цеплаэнергастанцый.