«Мамант» прайшоўся карнавалам па Карла Маркса — фотарэпартаж
13-ы фестываль сучаснага мастацтва і авангарднай моды «Мамант» скончыся карнавалам на вуліцы Карла Маркса — фотарэпартаж Сяргея Гудзіліна.
Фестываль пастаянна знаходзіцца ў эксперыменце: змяняюцца ўмовы працы, намінацыі, месцы правядзення. Адна з важных навінак сёлетняга фестывалю — ён скончыўся шэсцем пад адкрытым небам. Карнавал, у якім паўдзельнічала большасць конкурсных калекцый, прайшоў ў самым цэнтры горада — на вуліцы Маркса, якая з пачатку лета па выхадных днях ператварацца ў пешаходную зону і зону адпачынку для менчукоў і гасцей беларускай сталіцы.