Адчынілася першая ў сьвеце экалягічная турма
Нарвэская турма «Bastoy», разьмешчаная на высьпе на поўдзень ад Осла, зьяўляецца першай у сьвеце цалкам экалягічнай вязьніцай.
У «Bastoy» няма ані кратаў, ані калючага дроту. Затое ёсьць сонечныя батарэі, ацяпленьне дровамі, а таксама поўная перапрацоўка адкідаў. Больш за тое, тут вырабляецца цалкам экалягічная ежа. Вязьні жывуць у звычайных дамах, якія не зачыняюцца. Яны адказваюць за 200 курэй, 40 авечак, 20 кароваў i 8 коняў. Таксама яны мусяць узяць на сябе клопат пра апрацоўку зямлі, зьбіраць ягады і лавіць рыбу.
Мэта экалягічнай турмы — прывіць вязьням да іх вяртаньня ў грамадзтва такія вартасьці, як павага да людзей і прыроды. — Наша задача — даць падставу для пазытыўных зьменаў — кажа дырэктар вязьніцы.
У «Bastoy» толькі 69 ахоўнікаў, i гэта адна з найбольш «папулярных» турмаў Нарвэгіі. Шмат хто з асуджаных просіць пра тое, каб адбываць свой тэрмін менавіта там.