Футбалісты «Полацка» байкатуюць матч: гульцам не плацяць заробак
У суботу «Полацк» не адправіцца на матч10-га тура чэмпіянату Беларусі ў першай лізе супраць «Смаргоні».
Гульцы вырашылі байкатаваць матч у сувязі з запазычанасцю па заробку. Футбалісты не атрымлівалі грошы 2,5 месяца.
АБФФ ведае аб праблеме. Федэрацыя прапанавала «Полацку» аўтобус для арганізацыі выезду. Аднак сутнасць праблемы ў затрымцы зарплаты гульцоў клуба.
Пасля трэніроўкі футбалісты раз’ехаліся па дамах.
Матч «Смаргонь» — «Полацк» павінен быў адбыцца 22 чэрвеня ў 18.00.