Новы хіт інтэрнэту — адважная вавёрка (відэа)
Відэаролік, як вавёрка бароніць сялібу ад змяі, стаў хітом інтэрнэту. Яго прагледзелі больш за 50 тысяч чалавек.
Незвычайны інцыдэнт адбыўся ў амерыканскім штаце Арызона. На спінку плеценага крэсла на верандзе прыватнага дома залезла змяя і прыгрэлася. Бясстрашная вавёрка, убачыўшы змяю, падабралася да яе і стала атакаваць. Рэптылія спачатку не зважала на векшу. Толькі праз хвіліну змяю дапякло, і яна стала джаліць. Тым не менш, вавёрка працягнула нападаць.
Інтэрнаўты дапускаюць, што такім чынам вавёрка бараніла сваё вавёрства, сваіх малых.