Мінскага дынамаўца знайшлі ў Італіі з румынскімі дзяўчатамі
Нігерыйскі паўабаронца Крысціян Абадо знік з Беларусі і аж да ўчорашняга дня вестак пра яго лёс не было.
Як паведамляюць італьянскія СМІ, на футбаліста натрапілі паліцыянты каля вакзалу ў горадзе Удзіне.Каля чыгуначнага вакзала стаяў аўтамабіль, у якім знаходзіўся Крысціян Абадо, яго сябар і дзве дзяўчыны з Румыніі. Падчас агляду ў кішэні сябра дынамаўца паліцыянты знайшлі 52 грама марыхуаны, яго затрымалі.
Абадо 29 гадоў. У мінулым ён — гулец футбольнай зборнай Нігерыі. Доўгі час выступаў за італьянскія клубы.Сёлета ў лютым ён падпісаў кантракт з мінскім «Дынама», але толькі аднойчы выйшаў у матчы чэмпіянату Беларусі і згуляў аж 8 хвілін. Кантракт Абадо разлічаны да канца чэрвеня 2014 года.