Пракурор патрабуе асудзіць Навальнага на шэсць гадоў турмы
У Ленінскім раённым судзе горада Кірава (Расія), дзе слухаецца справа «Кіраўлеса», скончылі допыты сведак і перайшлі да спрэчак бакоў. Пракурор папрасіў прысудзіць асноўнага абвінавачанага, апазіцыянера Аляксея Навальнага, да шасці гадоў калоніі і штрафу ў 1 млн расійскіх рублёў.
Максімальнае пакаранне па артыкуле «Крадзеж», па якім судзяць Навальнага, прадугледжвае да 10 гадоў турмы.
Навальнага абвінавачваюць у тым, што ў 2009 годзе, знаходзячыся на пасадзе дарадцы губернатара Кіраўскай вобласці, ён уступіў у змову дырэктарам «Вяцкай лясной кампаніі» Пятром Афіцэравым і гендырэктарам «Кіраўлеса» Вячаславам Аполевым і нібыта арганізаваў крадзеж лесу на суму больш за 16 млн рублёў (497 тысяч даляраў).
Навальны адмаўляе абвінавачванні і лічыць справу палітычнай.