Івана Шылу затрымалі напярэдадні суду
Пасьля поўначы ў Салігорску за распаўсюд налепак міліцыяй былі затрыманыя Іван і Ільля Шылы.
Пасьля поўначы ў Салігорску за распаўсюд налепак міліцыяй былі затрыманыя Іван і Ільля Шылы, Зьміцер Яхевіч, Тацяна Буланава, Франак Вячорка і Сяргей Клюеў. Празь некаторы час Вячорку і Яхевіча вызвалілі. Іншых маладзёнаў вязуць у Салігорскі РУУС.
Нагадаем, што раніцай а 9:00 у салігорскім раённым судзе павінен пачацца суд па крымінальнай справе Івана Шылы. Хлопца абвінавачваюць у артыкуле 193 ч.1. КК «Удзел у незарэгістраванай арганізацыі».