Латвія пяройдзе на еўра з 1 студзеня 2014 года
У Еўрасаюзе зацвердзілі рашэнне пра далучэнне Латвіі да еўразоны з 1 студзеня 2014 года.
Міністры фінансаў і эканомікі ўсіх краін Еўрасаюза ўхвалілі гэтае рашэнне. Такім чынам, Латвія стане 18-й краінай, якая перайшла на адзіную еўрапейскую валюту.
Латвіі прыйшлося пераадолець фінансавы крызіс, і цяпер яе эканоміка лічыцца адной з самых дынамічных у ЕС.