У Ляхавіцкім раёне ваўкі напалі на вёску
Людзі не пацярпелі, аднак драпежнікі знішчылі трусоў і гусей.
Ваўкі напалі на вёску Лотва Ляхавіцкага раёна Брэсцкай вобласці. Людзі не пацярпелі, аднак драпежнікі знішчылі трусоў і гусей.
Зараз трое вяскоўцаў праходзяць поўны курс прышчэпак ад шаленства. Мяса загрызенай жывёлы і птушак яны не ўжывалі, але датыкаліся да іх. Ніхто не ведае, ці былі ваўкі здаровымі, таму лекары вырашылі перастрахавацца.
Дарэчы, сёлета ў Ляхавіцкім раёне зарэгістраваныя 72 выпадкі, калі людзі былі пакусаныя хатнімі і дзікімі жывёламі. Ужо пацверджаныя 6 выпадкаў шаленства сабак і лісіц.