Пад коламі электрычкі загінуў 23-гадовы хлопец
Здарэнне адбылося ў чацвер, 11 ліпеня, на станцыі Уша ў Маладзечанскім раёне.
А 12 гадзіне ночы да станцыі якраз пад’язджала электрычка з Мінска. Маладзён сядзеў паміж шляхамі.
«Машыніст падаў папераджальны сігнал, але мужчына нават не зварухнуўся з месца», — кажа старшы інспектар службы групы аховы правапарадку і прафілактыкі Маладзечанскага аддзела ўнутраных спраў на транспарце Таццяна Субач.
Электрычка здзейсніла экстраннае тармажэнне, але маладзёна зачапіла. Ён загінуў на месцы.