У Беларусь не пусцілі аўтобус з дзецьмі? Тлумачэнне памежнікаў
Дзяржаўны памежны камітэт Беларусі лічыць паведамленні некаторыхзаявіўінтэрнэт-рэсурсаў пра тое, што празбеларуска-ўкраінскую мяжу не быў прапушчаны аўтобус з дзецьмі, якія вярталіся з адпачынку [з Балгарыі], некарэктнымі,
Як растлумачыў прадстаўнік ДПК, мяжу перасякаў аўтобус Setra, зарэгістраваны ва Украіне.
Транспартны сродак з пасажырамі прайшоў памежны кантроль, але не быў прапушчаны транспартнай інспекцыяй, так як у кіроўцы не было неабходных дакументаў.Ён забыўся іх у Чарнаўцах [абласны цэнтр на мяжы з Румыніяй — НН].
Было прапанавана размясціць дзяцей у пункце пропуску і прыгнаць іншы аўтобус.
Кіраўнік турыстычнай групы адмовіўся ад гэтага варыянту, і аўтобус паехаў назад за дакументамі ў Чарнаўцы.
Пасля аўтобус перасёк мяжу ў пункце пропуску «Макраны».