Пенсіянер блукаў у лесе паўтара дня

1,5 сутак правёў у лесе 73-гадовы жыхар Нараўлянскага раёна, які адправіўся туды ў ягады.

20 ліпеня раніцай на ўласным аўтамабілі пажылы мужчына адправіўся ў лес. У вёскі Габрылееўка пенсіянер збіўся з шляху. Дахаты ён не вярнуўся ні вечарам, ні раніцай наступнага дня. Сваякі звярнуліся па дапамогу ў міліцыю і службу выратавання.

На пошукі адправіліся выратавальнікі, міліцыянты, леснікі, работнікі Палескага дзяржаўнага радыяцыйна-экалагічнага запаведніка, добраахвотнікі. Учора ў другой палове дня пошукавікі знайшлі мужчыну. Яго стан здавальняючы. У шпіталізацыі пенсіянер не меў патрэбу.

Каментары да артыкула