Samsung абагнаў Apple па продажах смартфонаў
Па выніках 2-га квартала 2013 года, кампанія Samsung стала самым прыбытковым вытворцам тэлефонаў і смартфонаў.
За красавік-чэрвень Samsung атрымаў ад продажу тэлефонаў і смартфонаў 5,2 млрд даляраў, у ранейшага лідара, кампаніі Apple, гэты ж паказчык склаў 4,6 млрд даляраў (другое месца).
Карэйскі вытворца ўпершыню абышоў амерыканскага канкурэнта па прыбытку ад продажаў тэлефонаў.
Samsung займае першы радок і па колькасці выпушчаных тэлефонаў, у першым квартале гэтага года доля карэйскай кампаніі на рынку тэлефонаў і смартфонаў склала 27%.