Гарэў пераход ля Камароўкі
Вечарам 7 жніўня гарэў пераход ля Камароўкі, але перш пажарныя прыбылі тушыць метро «Станцыя Якуба Коласа»
У 20.45 адначасова чатыры разлікі пажарнай тэхнікі прыбылі па сігнале аб задымленні на пл. Якуба Коласа.
Аднак праз дзве хвіліны высветлілася, што задымленне адбылося не ў метро, а ў падземным пераходзе на перасячэнні вуліц Куйбышава і Харужай, ля Камароўскага рынка.
З-за няспраўнай праводкі загарэлася люмінісцэнтная асвятляльная лямпа і пераход запоўніўся едкім дымам.
Узгаранне ліквідавалі з дапамогай вогнетушыцеля.