Песня беларускі стала хітом на радыёстанцыях Нью-Ёрка
фота з сайта Вольгі — olyiamusic.com
Новая песня Вольгі Казак (Olyia) стала хітом на нью-ёрскіх радыёстанцыях.
Пра гэта напісаў у сваім фэйсбуку журналіст Сяргей Навумчык.
Вольга нарадзілася ў Беларусі ў сям’і вядомых музыкаў Алеся Казака і Валянціны Пархоменкі, што ў пачатку 1990-х пераехалі ў ЗША.
Музыкай, як піша на сваім сайце, занялася з пяцігадовага ўзросту. Скончыла Джорджтаўнскі ўніверсітэт па спецыяльнасці «міжнародныя медыі».
Сяргей Навумчык звяртае ўвагу на тое, што Вольга ніколі не забывалася на тое, што беларуска, а заўсёды бярэ актыўны ўдзел у жыцці беларускай грамады ЗША, спявае на беларускіх урачыстасцях.
Вольга спявае «Белую Русь» у клубе «Дром» на Манхэтане.
Сайт Вольгі Казак (olyiamusic.com)