Міліцыя распаўсюдзіла фотаробат меркаванага забойцы прадавачак у Лідзе
У Лідзе шукаюць падазраванага ў жорсткім двайным забойстве супрацоўніц адной з прыватных крамаў горада. Расследаванне працягваецца, міліцыя распаўсюдзіла фотаробат меркаванага забойцы, паведамляе тэлеканал АНТ.
Нагадаем, у нядзелю, 15 верасня, невядомы або невядомыя напалі на дзвюх жанчын-прадавачак, 1968 і 1957 гадоў нараджэння, супрацоўніц адной з лідскіх крамаў. Жанчынаў забілі ўдарамі па галаве металічнай трубой. З крамы скралі грошы і спіртное.