Раўхані заявіў у ААН аб мірным характары ядзернай праграмы Ірана
Прэзідэнт Ірана Хасан Раўхані, выступаючы ў аўторак з трыбуны Генасамблеі ААН, зноў заявіў аб мірным характары ядзернай праграмы Ісламскай рэспублікі.
«Ядзернай зброі няма месца ў ваеннай дактрыне Ірана», — цытуе яго Reuters.
«Іран не ўяўляе абсалютна ніякай пагрозы ні рэгіёну, ні свету», — падкрэсліў прэзідэнт Ісламскай рэспублікі.
Раўхані таксама заявіў пра гатоўнасць Тэгерана да перамоваў па ядзернай праграме ў строга абумоўленыя тэрміны.