Літва магла б блакаваць Калінінградскую вобласць, але не будзе
Літва нагадала, што тэарэтычна магла б блакаваць аўтамабільныя дарогі і чыгункі ў Калінінградскую вобласць, але не будзе дзейнічаць такімі метадамі. Адпаведную заяву зрабіў кіраўнік МЗС Літвы Лінас Лінкявічус.
Яго словы былі выкліканыя дыскрымінацыйнымі дзеяннямі Расіі ў дачыненні да грузавікоў з літоўскімі нумарамі.
Раней літоўскі прэм'ер абвінаваціў Расію ў «эканамічнай вайне».
Расійскія эксперты звязваюць ціск на Літву з тым, што Вільня неўзабаве прыме саміт Усходняга Партнёрства, на якім мае быць падпісана дамова пра Асацыяцыю і вольны гандаль між ЕС і Украінай.