Дазволіў пажыць у хаце сваяку: у першую ноч той спаліў дом і згарэў сам
Мужчына 1979 года нараджэння загінуў ноччу 3 кастрычніка падчас пажару ў прыватным жылым доме ў Хойніках.
На момант прыезду пажарных дом быў ахоплены агнём, дах і перакрыцце абваліліся ўнутр дома. Труп быў знойдзены пры разборцы канструкцый.
Уласнік дома працуе ў Расійскай Федэрацыі, дзе і знаходзіўся ў момант пажару.
Са слоў суседзяў устаноўлена, што раніцай 2 кастрычніка ў дом усяліўся сваяк гаспадара, які раней таксама быў на заробках у РФ. Напярэдадні пажару ён ужываў спіртное. Папярэдняя прычына пажару — неасцярожнасць пры курэнні.