Літва абрана ў Раду бяспекі ААН
У чацвер Літва абраная ў Раду бяспекі ААН, на якую, у адпаведнасці з міжнародным правам, кладзецца асноўная адказнасць за падтрыманне міжнароднага міру і бяспекі ва ўсім свеце.
Літва, якая была адзіным прэтэндэнтам у групе Усходняй Еўропы, падчас галасавання на Генеральнай асамблеі набрала 187 галасоў. У ААН уваходзіць 193 дзяржавы.
Літва будзе адным з 10 непастаянных членаў Рады бяспекі ААН ў 2014 і 2015 гадах.
Так, у 2013-2014 гг. непастаяннымі чальцамі Рады з'яўляюцца Азербайджан, Аргенціна, Люксембург, Руанда, Карэя.
ЗША, Кітай, Расія, Францыя і Вялікабрытанія з'яўляюцца пастаяннымі членамі Рады бяспекі ААН і валодаюць правам вета.
Беларусь (БССР) была непастаянным чальцом Рады бяспекі ААН у 1974-1975 гг.