Туркменскія студэнты ладзяць у Віцебску закрытую вечарынку з «рускімі дзяўчатамі»
Незвычайнае мерапрыемства, якое павінна прайсці ў Віцебску 24 кастрычніка, рэкламуецца ў сацыяльнай сетцы Вконтакте — закрытая вечарынка для студэнтаў Туркменістана і рускіх дзяўчат.
Мяркуючы па афішы « Turkmen Party » прысвечана дню незалежнасці Туркменістана, піша сайт «Народныя навіны Віцебска».
Чамусьці сыны гэтай сонечнай рэспублікі вырашылі адсвяткаваць сваё дзяржаўнае свята абавязкова ў кампаніі рускіх дзяўчат. Уваходны квіток на вечарыну каштуе 40 000 рублёў.
У праграме абяцаюць непаўторнага DJ Azatt, ашаламляльнага фатографа Anbrushka і смешнага mc Ted.