У Магілёве на мосце сутыкнуліся грузавікі МАЗ і MAN — фоты
Адзін з кіроўцаў пасля ДТЗ у цяжкім стане дастаўлены ў бальніцу.
Фота gorad.by.
Фота gorad.by.
Фота gorad.by.
Аварыя адбылася 30 кастрычніка каля 13:00 на мосце па вуліцы Каралёва, паведамляе сайт gorad.by.
Грузавы аўтамабіль «MAN» з прычэпам, які перавозіў бетонныя блокі, урэзаўся ў паўпрычэп «МАЗа», які ехаў наперадзе.
Кабіну «MANа» скамячыла, паўпрычэпы пярэдняй машыны таксама пашкоджаны.
Паводле папярэдняй інфармацыі, кіроўца «MAN» з цяжкімі траўмамі шпіталізаваны ў Магілёўскую бальніцу хуткай медыцынскай дапамогі.
У выніку ДТЗ часова ўтварыўся затор на ўчастку дарогі ад скрыжавання вуліцы Каралёва і праспекта Міра да месца аварыі.