У Гомелі кіроўца збіў на пераходзе бабулю з трохгадовай унучкай
У Гомелі ў ДТЗ пацярпелі жанчына 1962 года нараджэння і яе трохгадовая ўнучка.
31 кастрычніка прыкладна ў 7 гадзін раніцы кіроўца аўтамабіля «Сітраен» рухаўся па вуліцы Хмяльніцкага і зрабіў наезд на бабулю з унучкай, якія пераходзілі вуліцу па нерэгуляваным пешаходным пераходзе, абазначаным дарожнымі знакамі, дарожнай разметкай, злева направа па ходзе руху аўтамабіля.
У выніку здарэння дзяўчынка з траўмамі галавы шпіталізавана ў бальніцу, таксама з траўмамі шпіталізавана і бабуля.