На Кубе забаранілі прыватныя кінатэатры
Улады Кубы загадалі ў суботу неадкладна спыніць дзейнасьць прыватных кінатэатраў і салёнаў відэагульняў.
Як гаворыцца ў паведамленьні, гэтыя віды дзейнасьці ніколі не былі дазволеныя, таму ўрад наводзіць парадак у прыватным сэктары.
Кінатэатраў і салёнаў відэагульняў сапраўды няма ў сьпісе амаль 200 відаў дзейнасьці, якія дазволілі займацца прыватным прадпрымальнікам падчас шэрагу частковых рынкавых рэформаў, уведзеных на Кубе ў апошнія гады.
Але некаторыя прадпрымальнікі неафіцыйна ладзілі такія ўстановы пад прыкрыцьцём ліцэнзіі на рэстараны і г. д.