На сераду прагназуюць моцныя працяглыя дажджы
6 лістапада на большай частцы тэрыторыі краіны чакаюцца працяглыя моцныя дажджы, паведамілі ў Рэспубліканскім гідраметэацэнтры.
Будзе воблачна. Вецер пераменных напрамкаў 5—10 м/с, па паўднёвым усходзе парывы да 14 м/с.
Тэмпература паветра ўначы складзе 4—10 градусаў цяпла, днём — плюс 6—11 градусаў, па паўднёвым усходзе на працягу сутак — 12—14 градусаў вышэй за нуль.