У Брэсце завялі справу на 18-гадовага: страляў па вокнах інтэрната
Брэсцкім міжраённым аддзелам Следчага камітэта распачата справа на падставе ч.1 арт.339 КК (хуліганства) у дачыненні да 18-гадовага непрацоўнага мясцовага жыхара.
Як паведаміў БелаПАН следчы па асабліва важных справах Брэсцкага міжраённага аддзела СК Аксана Бацкалевіч, малады чалавек 6 лістапада прыблізна ў 16.00 зрабіў некалькі стрэлаў з пнеўматычнага пісталета па вокнах інтэрната ў абласным цэнтры.
У выніку былі пашкоджаны тры шыбы. Пацярпелых няма.
Падазроны затрыманы і змешчаны ў ізалятар часовага ўтрымання. У яго канфіскаваны пнеўматычны пісталет. Праводзіцца расследаванне.
Раней гэты грамадзянін судзімы не быў.