Нацбанк захоўвае стаўку рэфінансавання на ўзроўні 23,5%
Нацыянальны банк Беларусі ў лістападзе захавае стаўку рэфінансавання на ўзроўні 23,5% гадавых.
«На чарговым пасяджэнні праўлення Нацыянальнага банка 12 лістапада прынята рашэнне захаваць стаўку рэфінансавання на ўзроўні 23,5 % гадавых і ў гэтым месяцы», — сказалі ў Нацбанку.
Апошні раз Нацбанк зніжаў стаўку рэфінансавання 10 чэрвеня — на 1,5 працэнтнага пункта да 23,5%. У цэлым за 2013 стаўку рэфінансавання планавалася знізіць да 13-15% гадавых.