Пасяджэнне саюзнага Саўміна запланавана на 13 снежня
Пасяджэнне Савета міністраў Саюзнай дзяржавы запланавана на 13 снежня. Плануецца разгледзець пытанне аб узгадненні нафтавага балансу на 2014 год.
Пасля саюзнага Саўміна ў снежні плануецца правесці і пасяджэнне Вышэйшага дзяржсавета Саюзнай дзяржавы з удзелам кіраўнікоў дзяржаў. Мяркуецца, што гэтае пасяджэнне пройдзе ў Маскве 25-26 снежня.
Першапачаткова пасяджэнне саюзнага Саўміна планавалася правесці 17 верасня гэтага года. Беларускі бок ініцыяваў разгляд на пасяджэнні пытання аб падпісанні нафтавага балансу, які прадугледжвае пастаўку расійскай нафты ў Беларусь на ўвесь 2014 год.
Аднак пасяджэнне Саўміна было перанесена на няпэўны тэрмін.