Прэзідэнт Польшчы адмяніў візіт ва Украіну
Ён павінен быў адбыцца 2 снежня. Планавалася, што Браніслаў Камароўскі разам з Віктарам Януковічам адкрыюць новы пункт пропуску на польска-ўкраінскай мяжы.
«Усё, што было запланавана на панядзелак, 2 снежня, адменена», — паведамілі ў прэс-службе Камароўскага.
Сам Камароўскі сказаў журналістам, што пункт пропуску «Будамеж — Грушэў» адкрыюць намеснікі кіраўнікоў урадаў абедзвюх краін, адзначыўшы, што гэта было рашэнне ўкраінскага боку.