Тры чалавекі згарэлі пасля памінак у Чашніцкім раёне
7 снежня каля 21:00 загарэўся драўляны дом, які належаў пенсіянерцы, у вёсцы Павулле Чашніцкага раёна. Ратавальнікі знайшлі ў ім целы трох чалавек.
Гаспадыня дома жыла з двума сынамі. Адзін з іх напярэдадні памёр, і ў суботу спраўлялі памінкі. Госці каля 16:00 разышліся, у доме застаўся начаваць толькі другі сын з двума сябрамі.
Як паведамляе прэс-служба МНС, меркаваная прычына пажару — неасцярожнасць падчас курэння ў нецвярозым стане.