У Гомелі акцыю «Стоп-падатак» не падтрымалі
Жыхары Гомеля, як і іншых гарадоў Беларусі, у сацыяльных сетках выказваліся, што падтрымліваюць пратэст. Гамяльчане мелі намер правесці акцыю ў 18.00 на плошчы Леніна.
Аднак у згаданы перыяд і пазней на ўказанай плошчы ніводзін аўтамабіль не падаваў гукавых сігналаў, не ўключаў «аварыйку», не прытарможваў, не зніжаў хуткасць.
Рух аўтамабіляў на плошчы Леніна прыкладна ў 18.00 усё-такі быў крыху прыпынены — з-за бяздомнага, які вельмі марудна цягам хвіліны рухаўся з палкай па нерэгулюемым пашаходным пераходзе ў бок храма Пятра і Паўла.
Таксама на плошчы Леніна дзяжурылі два аўтамабілі ДАІ і некалькі міліцыянераў.