Тэрапэўту пагражае 6 гадоў за даведку аб вызваленьні ад заняткаў
Маладую жанчыну, на ўтрыманьні якой знаходзіцца непаўналетняе дзіця, вінавацяць у атрыманьні 30 даляраў ад студэнткі, якой нібыта была патрэбна даведка аб вызваленьні ад заняткаў.
Днямі ў Баранавічах адбыўся суд па справе лекара, якая абвінавачваецца ў хабарніцтве. Крымінальная справа ў адносінах да ўчастковага тэрапеўта баранавіцкай гарадской паліклінікі накіравана на дадатковае даследаванне.
Маладую жанчыну, на ўтрыманні якой знаходзіцца непаўналетняе дзіця, вінавацяць у атрыманні 30 долараў ад студэнткі, якой нібыта была патрэбна даведка аб вызваленні ад заняткаў.
Праўда, валюту пры затрыманні міліцыянты не знайшлі. Мечаныя долары апынуліся ў іншай супрацоўніцы паліклінікі. Студэнтка на суд не з’явілася, адшукаць яе не змаглі.
Тэрапеўт, якой пагражае 6 гадоў пазбаўлення волі, прадаставіла суду даведку судмедэкспертызы. Дакумент сведчыць, што на сцёгнах і плячах жанчыны шматлікія крывападцёкі.
Па словах лекара, яна атрымала іх падчас допыту, калі з ёй груба абыходзіліся. Жанчына нават некалькі разоў страчвала прытомнасць.