Наглядзеліся сэрыялаў?
На рынку «Ждановічы» ў Менску маладзёны адабралі ў грамадзяніна Лібану аўтамабіль «БМВ» і пайшлі на таран загароджаньня.
На рынку «Ждановічы» ў Менску маладзёны адабралі ў грамадзяніна Лібану аўтамабіль «БМВ».
Па факце разбойнага нападу на рынку «Ждановічы» ў Менску ўсчатая крымінальная справа. У зьдзяйсьненьні ўгону аўтамабіля падазраюцца два жыхары Асіповіцкага раёну. Увечары 3 кастрычніка пад пагрозай пнэўматычнага пісталету маладзёны адабралі ў грамадзяніна Лібану аўтамабіль «БМВ». Іх здабычай сталіся й 20 мільёнаў рублёў, якія былі ў салёне іншамаркі.
Але ўгоншчыкі пераацанілі магчымасьці недарожніка. Спроба пратараніць загароду, ўсталяваную ахоўнікамі рынку, не ўдалася. Кінуць машыну і зьбегчы з грашыма таксама не атрымалася. Цяпер зламысьнікі знаходзяцца ў ізалятары часовага ўтрыманьня.