Больш за тысячу чалавек працягваюць знаходзіцца на Майдане Незалежнасці ў Кіеве
У суботу людзі займаліся там прыбіраннем, падмяталі каля намётаў, гатавалі ежу.
Таксама на Майдане знаходзіцца шмат турыстаў, якія фатаграфуюцца.
Разам з тым традыцыйная штонядзельная акцыя сёння адменена. Кіеў рыхтуецца да Раства.
Працягваецца стварэнне рэгіянальных суполак «Майдан». Створана 8 філіялаў, паведамляе Unian.
Акцыі пратэсту ў Кіеве пачаліся 21 лістапада, калі стала вядома пра нежаданне ўрада Украіны падпісваць пагадненне з ЕС. Найбольш масавымі акцыі былі ў першай палове снежня. У нядзелі (24 лістапада, 1, 8, 15 снежня) праводзіліся народныя веча, якія збіралі да мільёна чалавек.